தீபாவளி....

பகவனே நீ தசாவாதாரமாய்...........

தரணியில் மீண்டுமென்றுவதரிப்பாய்

அன்று நீ..................

தர்மம் காக்க அதர்மம் அகற்ற

அகிலத்தில் அவதரித்தாய்

அதர்மசக்தியாம் அசுரனையுமழித்தாய்

தீயவனை நீயழித்த நாள் முதலாய் நாங்களும்

வண்ணவிளக்குகளை வீதியெங்குமேற்றி

வாணவேடிக்கைகளும் புத்தாடைகளும்

விதவிதமான பலகாரங்களுமாய்- இன்றும்

தரணியெங்கும் நாங்கள் பல்லாண்டுகாலமாய்

கொண்டாடுகின்றோம்.......சந்தோஷம் தான் - ஆனால்

நீ வாழும் உறைவிடமும் உனக்காய் எம்முன்னோர்கள்

வாரி வழங்கிய செல்வங்களனைத்தும் அரசாங்காங்களின்

அசுரப்பிடியில் ஆட்பட்டிருக்கிறது......

மதசார்பற்ற அரசென சொல்பவர்ள்

ஆலயங்ளின் சொத்துகளிலும் வருமானங்களிலும்

ஆலாய் பறக்கிறார்கள் இன்றும் புரியவில்லை

நாங்கள் வேண்டுதலாய் மொட்டைப்போடுகிறோம்

ஆட்சியாளர்களோ உன்னையே மொட்டை அடிக்கிறார்கள்

உன்னைத் தரிசிக்கப்பணம் வசூலிப்பவர்கள்

உன் உண்டியலிலும் கைவைக்கிறார்கள்.....

ஆட்சியில் மட்டுமா கொள்ளை அடிக்கிறார்கள் - உன்

ஆலயத்திலும் அல்லவா கொள்ளையடிக்கின்றார்கள்

கொள்(ளை)கை மறவர்கள்........

தட்டில் பணம் போட்டால் தான்

தடங்கலில்லா உன்னை தரிசிக்க முடியும்

அகிலத்தை காலால் அளந்த உனக்கு

ஆறுகால பூஜைகளெல்லாம் ரேஷன் முறையில்

நடத்துகின்றனர் நல்லாட்சி(?)யாளார்கள்

உன் வருமானத்தை வாரிவிழுங்கும்

உன்னைத் தரிசிக்க வரும் அடியார்களுக்கு

அடிப்படை வசதிக்கூட செய்ய முயலவில்லை

உன் கருவூலத்தில் கைவைப்பவர்கள்

பெருமைகளையும் மகிமைகளையும்

எடுத்துரைக்க என்ன வழிசெய்கிறார்கள்.

உன் திருநாமத்தையாவது சொல்லிக்கொடுக்க முயலவில்லை

மக்களெல்லாம் நின் பெருமை யறியாது

அறியாமையினால் அணி மாறுகிறார்கள் ஆங்காங்கே

அடியார்கள் அணிமாறாமல் இருந்தால்தான்

உண்டியல் நிறையும் இல்லையேல்

அரசு கருவூலங்களில் காற்றுத்தான் இருக்கும்

சாமியில்லையென்பார்களாம் ஆனால்

சாமியின் காசில் வயறு வளர்ப்பார்களாம்

பங்கு வைப்பதுதான் பகுத்தறிவோ என்னவோ...

பகவானே.....

தர்மம் காக்க அதர்மம் அகற்ற

அகிலத்தில் மீண்டும் என்று நீ அவதரிப்பாய்

ஆலயங்களைவிட்டு அரசினை என்று

அடித்து விரட்டுவாய்........